Tlawnga tla hlum finfiah
December 10, 2019-a Tlawng luia mihring ke chhar chu July 11, 2019-a Tlawng lui, Nghalchàwm kaia tla Lalfakzuala, Electric Veng, Aizawl ngei a ni tih finfiah a ni.
Lalfakzuala u, Dr C Lalzirliana hnen aṭanga thu dawn danin, nikum December 10-a Tlawng luia mihring ke chhar chu Mizoram State Forensic Laboratory kaltlangin enfiah a ni a, Lalfakzuala fapa leh a nau DNA nen enmil a nih hnuah Lalfakzuala ke a ni tih January 6, 2020 khan finfiah a ni. Hei vang hian Lalfakzuala ke chu January 8, Nilaini khan Electric Veng thlanmualah phûm a ni.