Chalfilh tlang chungchang CM hoin ngaihtuah dawn

Chalfilh tlang, Vanzaua Mizoram sorkarin Tou­rist Destination Pro­ject hmanga in a sak zawng zawng thla khat chhunga ṭhiat vek tura Natio­nal Green Tribubal (NGT) Eastern Zone Bench, Kolkata-in Mizo­ram sorkar a hriattir chung changah, sorkar kal zel dan tur chu Chief Minister hoin ngaihtuah a ni dawn.

Vanglaini palai zawhna chhangin Touri­sm minister Robert Romawia Royte chuan, NGT thutlukna chu Chief Minister hoa ngaihtuah ngai a nih thu a sawi a, "Chief Minister hi a zin lai a ni a, a hoin sorkar kal zel dan tur kan ngaihtuah ang. Ni hnih/thum hnuah sorkar kal dan tur hi hriat theih a nih a beiseiawm," a ti.