VC/LC by-election hun tur puang

State Election Commission chuan nimin khan Aizawla local council paruk, MADC hnuaia village council pasarih, LADC hnuaia VC pali leh CADC hnuaia VC parukte by-election neih hun atan December 16, 2021 ruat a nih thu a puang. Heng hmunahte hian nimin aṭang khan Model Code of Conduct hman nghal a ni.

By-election neihna hmun turte chu - Ai­zawlah Laipuitlang, Zema­bawk, Armed Veng, Tuithiang, Republic Veng leh Venghnuai LC-te a ni; MADC-ah Council Vaih, Noaotlah, Amobyu Ch, Saisi, Tipa V-II, Zyhno leh Khopai-te a ni. LADC-ah chuan Mualbu-L, Darnamtlang, Lungpher South leh Vawmbuk-II te a ni a; CADC-ah chuan Borapansury-II, Ajasora-II, New Jagnasury-I, Samuksora, Parva-IV leh Kamalanagar-V te a ni.

LC/VC by-election chuh tumte tan November 29, 2021 thleng hming pek luh theih a ni a, inhnûkdâwk duh tan December 2, 2021 tlai dar 3 thleng hun hawn a ni bawk.