Covid-19 vangin mi 479 thi tawh

Nimin khan tlai dar 5 thlengin Covid-19 vanga Mizorama thi tarlan a awm lo. November 21, Pathianni zanah mi pahnih an thi a, natna dang nei tel ve ve an ni tih sorkar thuchhuakin a tarlang. Nimin tlai dar 5 thleng khan Mizoramah Covid-19 vangin mi 479 an thi tawh a, November thla bikah mi 47 an thi tawh.

November 21, Pathianni zan dar 7:45 khan Zosanga Hlawndo (61), Ramhlun South chu State Refferal Hospital-ah a thi a; Covid-19 vei a ni tih November 3, 2021-ah hmuh chhuah niin, SRH-ZMC-ah dah luh nghal a ni.

V Hmunmawia (61), Mission Veng pawh Pathianni zan dar 8:45 khan hripui vangin SRH-ZMC-ah a thi a; Covid-19 positive a ni tih November 8, 2021 khan hmuh chhuah niin, SRH-ah enkawl nghal a ni.