Larsapin MHIP hruaitute a kâwm

Governor Hari Babu Kambhampati chuan nimin khan Mizo Hmeichhe Insuihkhawm Pawl (MHIP) Gen. Hqrs hruaitute Raj Bhavan-ah a kâwm.

MHIP hruaitute chuan, Mizoramah Myanmar aṭangin mi eng emaw zat an rawn ráltlân tih sawiin, "Refugee camp-ah tui thianghlim mamawhna a sang hle. Ei leh in tlâkchhamna a awm mek a, camp chhungah inbual leh inthiarna mumal a awm loh avangin hriselna atan thil pawi a thleng thei a ni," an ti a; a theihna záwnah ráltlânte dinhmun hriatthiampuia hma laksak turin Governor an ngen.

MHIP Gen.Hqrs hruaitute chuan, ramri buaina chungchanga Assam lamin status quo an bawhchhiat thu sawiin, Governor chu a theihna záwna sorkar laipui dâwr tura an duh thu an hrilh bawk.