MZP-in sikul sak ṭhat dan Chhui chiangtu tur an din

MZP Executive Committee nimina an pisaa ṭhukhawm chuan, NABARD sum hmanga school building eng emaw zat sak ṭhat chungchangah thil dik lo leh felfai tâwk lo awma an hriat avangin a chhui chiangtu tur committee an din a, MZP president Lalnunmawia Pautu-in a kaihruai ang.

MZP chuan MZP headquarters, sub-headquarters leh branch-te chu an huam chhunga sikul building sak hna thawhte endik a, chawlhkar khat chhunga MZP Gen.Hqrs-a report thehlut turin an chah a ni.

MZP thuchhuah tarlan danin, sikul building sak hna thawhte endika zir chiangtu tur committee hian zirlaite'n an dikna chanvo an chan theih nan uluk taka chhuiin a en zui dawn a, a ṭul angin hma an la dawn a ni.