MNF hi inchhuang larh tur kan ni - C Lalrinsanga

MNF adviser C Lalrinsanga, minister chuan nimin khan Mizo Hnam Runa party inkhawmah thu sawiin, innghahna tlak party an nei chu inchhuang larh tur an nih thu a sawi.

C Lalrinsanga chuan, MNF party chu tihchhiat tuma nasa taka beih tâwk ṭhin mah se, Pathianin an ral a phal lo tih sawiin, "MNF kan ni hi inchhuang larh tur kan ni. Danglamna bik tak kan nei a, induhthawhna leh ṭhahnemngaihna avangin vuivai deuh kan lo awm ṭhin a nih pawhin, a chuanchim zawnga chê tu mah kan awm lo. MNF hi party dang anga vuan der der tur kan ni lo a, a tlukchhiat lohna tura theihtawp chhuah ṭheuh hi kan tih tur a ni," a ti.

Chief minister Zoramthanga chungchang sawiin C Lalrinsanga chuan, "Hripui léng avangin khawvelin harsatna a tawk a, keini pawh kan bâng bik lo. Central aṭanga kan hmuh tur cheng vaibelchhe tam tak kan dawng lo chungin ei leh bar, tuialhthei leh kawng dangah harsatna lutuk a awm lo," a ti a; sorkar hnathawkte'n hlawh lak tur an la neite chu CM-in sum enkawl a thiam vang niin a sawi bawk.