Biate-in fai inelna lawmman a dawng
India ram khawpuite faina kawnga inelna Swacch Survekshan 2018-a ti ṭhate hnena lawmman semna hun, June 23, Inrinni khan Indore, Madhya Paradesh buatsaih a ni a; India hmarchhak state huanga inelnaa Best City of Innovation & Best Practices lawmman dawngtu Biate hnenah lawmman hlan a ni.
Biate khaw aiawh hian Champhai DC Vanlalngaihsaka, Swacch Survekshan, Biate-a Dr Vanlalchhuanga leh Biate V/C president RV Hluna ten lawmman hi Ministry of Housing & Urban Affairs minister Hardeep Singh Puri hnen aṭangin an dawng.
Swachh Survekshan 2018 kaltlang hian India rama khawpuite faina kawnga inelna tur hian khawpui 4,041 thlan a ni a; Mizorama census town 23 zingah Champhai district-a census town pali - Champhai, Khawzawl, Khawhai leh Biate te chu inelnaah hian an tel a ni.
June 22 vek khan chief secretary Arvind Ray chuan Mamit District Hospital, Mamita Women Polytechnic leh JNV School, Mamit a tlawh a, harsatna an neihte a enpui.