MURA-in chaw nghei zel

Mizoram Under Returnees Association (MURA) chuan Congress party nena an inremna tihhlawhtlin ngiatin chawnghei an la chhunzawm zel. MURA vice president H Lalrinawma chuan, kar hmasaa Chief Minister nen an inbiak ṭumin, an thil phûtte chu tun kara sawiho a rawt angin an sawiho hun an nghak tih a sawi.

MURA hian June 6, 2018-ah tiamchin awm loa chawnghei an ṭan a, June 15-ah Chief Minister adviser KVL Siamkima leh Congress party hruaitu dangte nen an inbiak hnuah chawnghei an titawp lailâwk a; June 19-a Chief Minister nen an inbiaknaah an duh ang chhanna an hmuh loh avangin chawnghei an chhunzawm leh a ni. Chaw nghei mekte hi mi 16 an ni a, an zinga pali chu kum 70 chung lam niin, mi dang 10 chu kum 60 chuang tawh an ni.