PRISM-in dan loa thil ti-ah MLA an puh

PRISM party chuan Chalfilh bialtu MLA, Dr Ngurdingliana, MAMCO chairman chu a bial chhung khaw ṭhenkhatah dik lo taka thil ti a, sikul tana inthiarna (toilet) siam hna danin School Management Committee thawh tura a dah chu party worker-te thawhtirah an puh a; chumi chungchang chu nimin khan ziakin School Education minister H Rohluna hnenah an thlen.

PRISM chuan, Khaw­lian Middle School-I inthiarna (toilet) sak hna chu Khawlian V/C vice president C Chawng­savunga'n thawk se a duh thu Dr Ngurdingliana'n ziakin Saitual SDEO hnenah a hriattir niin an tarlang.

Hetiang hian sikul dangah pawh a ti nia sawiin, "Hetianga party induhsakna vanga dan bawhchhiaa kan ram hruaitute'n an ti ṭhin hi pawi kan ti hle. A rang lama School Management Committee kuta hlan turin kan phût a ni," an ti.