MWA-in Proficiency Prize an hlân

Mizo Writers’ Asso­ciation (MWA) chuan nimin khan Synod Con­ference Hall-ah kumin HSLC, HSSLC leh univer­sity exam-a Mizo subject-a ti ṭhate chawi­mawi­na, Proficiency Prize hlan­na inkhawm an buatsaih a, Higher & Technical Edu­cation (HTE) minister Dr R Lalthangliana'n a hmanpui.

HTE Minister chuan, ṭhangtharte zingah Mizo ṭawng hman dik loh hriat tur a tam thu sawiin, "Hei hi sorkarin a ngaimawh a, School Edu­cation depart­ment leh SEDP Human Resources Development Board chuan kan mithiamte nen ṭang tlangin Mizo ṭawng tihmasawn tur leh tichangtlung tur Mizo Language Board din turin hma a la mek a ni," a ti a; kum 2022 Assembly session hmasa bera put luh turin Mizo Language Board Bill, 2021 peih hman tum a nih thu a sawi.

HTE Minister hian Pro­ficien­cy Prize a sem a, MWA lehkhabu buatsaih 'Ziak mite chanchin bu 3-na' a tlangzarh bawk. Proficiency Prize hi Mizo subject-a mark hmu sang ber hnenah hlan ṭhin a ni a, chawimawina thuchei leh Rs 5,000 a keng a ni.