Tlawng lui khuah kan tum - ZPM Consultant

ZPM chuan November 23, Thawhlehni zan khan North Lunglengah an party zawm thar lawm luhna inkhawm an buatsaih a, thusawitu F Rodingliana, ZPM consultant chuan, ZPM an sorkar hunah Tlawng lui an khuah dawn thu a sawi.

F Rodingliana chuan, sorkarna an chan hunah North Lungleng aṭanga hnaitêah Tlawng lui an khuah dawn thu sawiin, "Lui tui khuah hi Mizoram tan Pathian malsawmna ro hlu a ni. Kawlphetha siamna atan te, Aizawl khawpui tui pekna tur atan te, khualzin hìpna atan te, huan thlai châwmna atan te, sangha khawina hmunpui khawpui dáia siamna atante leh tui kawng (water way) atan hman kan tum avangin Tlawng lui khuah hi Zoramin a mamawh ngawih ngawih a ni," a ti.

ZPM Consultant chuan, ZPM-in sorkarna an siam chuan electric bill tihpun loh hrâm dan an zawn dawn thu leh kum sarih chhunga kawlphethaa intodelh turin ṭan an lak dawn thu a sawi bawk.