END-in heroin leh ganja man

Excise & Narcotics department (END) leh an thurualpuite chuan November 23, Thawhlehni khan hmun hrang hrangah heroin gram 105.500 (hawng 8) leh Ganja eng emaw zat an man.

END leh Mara Thyutlia Py (MTP)-te ṭang dun chuan Thawhlehni chawhma dar 10:30 leh chhun dar 12:30 khan Siaha Tlangkawn leh Lungzarhṭumah heroin gram 50.200 (hawng 4) an man a; a neitua puh mi pahnih - Samuel Ramngaihawma (26) s/o C Lalngaihthanga (L), Bairabi Rail Station Veng leh Lalruatfeli (32) d/o Rosangliana, Lungzarhṭum, Lawngtlai district nia inchhálte chu an man nghal.

Thawhlehni tlai dar 2:15 khan Champhai Zote Vengtharah heroin gram 55 (hawng 4) leh a neitu nia puh mi pathum - Dindeihluni (35), w/o Nangkhanthanga, Champhai Bethel Vengthar, Mungkhankhual (19) s/o Zamdolian leh Paungaihkim (18) s/o Dinkhankhai, Bulfek, Myanmar nia inchhálte an man.

Nimin tlai vek khan END chuan Teikhang, Saitual district-ah ganja kg. 188 leh gram 219 leh a neitua puh mi pahnih - Thianlal (43) s/o Vungngula (L) leh Zampau (45) s/o Chinthang (L), Teikhang khua ve ve nia insawite an man bawk.

Ruihhlo man kaihhnawihah hian The Narcotic Drugs & Psychotropic Substances Act, 1985 tlawhchhanin thubuai ziah luh a ni.