CM-in inbiakpuiah Assam CM a sáwm

New Delhi-a chám mek chief minister Zoramthanga chuan ramri chungchanga inbiakpuiah Assam chief minister HimaNta Biswa Sarma a sáwm a; Delhi-a a chàm chhungin an inbiak hman rin a ni.

Vanglaini palai zawhna chhangin, Chief Minister ṭawiawmtu Planning Board vice chairman H Rammawi chuan, CM Zoramthanga'n inbiakpuiah Himanta Biswa Sarma a sàwm thu a sawi a, "Assam CM inbiakpuia a sàwm thu hi Union Home Minister hnenah pawh a thlen a, Assam CM nen an inbiak zawhah kan CM leh Union Home Minister pawh hi an inbe leh ang," a ti.

H Rammawi sawi danin, Mizoram CM leh Assam CM inbiak hun tur hriat theih la ni lo mah se, nizan (Ningani zan) emaw, zaninah emaw a nih beisei a ni.