KHAWTHLIR

Thisen pe
Central Higher Secondary School NSS chuan nimin khan an sikulah thisen pek an huaihawt a, Aizawl Civil Hospital tan thisen unit 66 an pe a, petute mipa 52 leh hmeichhia 14 an ni.

Kawng siam dawn
PWD chuan November 27-28, 2021-ah zing dar 9 aṭanga tlai dar 4 inkarah Mission Veng khàm phei, thingzai zawrhna aṭanga Kulikawn inkar kawng an siam dawn a, hei vang hian hna thawh hun chhungin kawngpui chanve khâr a ni dawn. Hnathawh tibuai theia kawngpui sira lirthei leh bungrua dah phal a ni lo bawk.

SHC CEM thar
Aizawl bawrhsap Dr Lalhriatzuali Ralte chuan November 24, Nilaini khan Sinlung Hills Council (SHC) chief executive member (CEM) atan Biaknunga chu rinawmna thu tiamtirin a la lut. SHC General Council Meeting chuan nimin khan SHC deputy chairman atan Vanlalsiamsanga (28), Phuaibuang an thlang.