Zoramthanga East-I ah ding dawn

MNF president Zoramthanga chuan, kumina Mizoram Le­gis­lative Assembly inthlanah Aizawl East-I bialah din a tum thu a sawi a; Aizawl East-I mipuite chu an bial hmasawnna tura thawhpuiah a sáwm.

MNF Zemabawk group-in July 28, Inrinnia Zemabawk YMA Hall-a free medical clinic an buatsaih a hawnnaah thu sawiin Zoramthanga chuan, Aizawl East-I bial mipuite chu hriselna leh hmasawnna kawngah Aizawl khawpui chhung bial dangte nena khai­khinin hmasawnna tur tam tak an la nei tih a sawi a, chu vang chuan, Assembly inthlan awm turah pawh East-I bialah din a duh niin a sawi a ni. MNF free medical clinic-ah hian mi 700 chuang an inentir a ni.