Robert Romawia'n central hotute a kâwm

Sports & Youth Services minister Robert Romawia Royte chuan November 24, Nilaini khan Union Youth Affairs & Sports minister Anurag Singh Thakur a kâwm a, India ramin infiamnaa hma a sawn zel dan tur an sawi dun.

Robert Romawia Royte chuan, Mizoram sorkarin hmasawnna ruhrel siamna tura rawtna a thlen tawhte chu sanction rang turin a ngen a; Union minister Anurag Thakur chuan a lo en zui vat tur thu a hrilh.

Nilaini vêk khan Robert Romawia chuan Union minister of state for Home and Sports Nisith Pramanik pawh a kâwm a, Mizoramah sports project thawh zawh tawh eng emaw zat an neih thar thu hrilhin, chu'ngte chu hawng turin a sáwm.

Tourism minister ni bawk Robert Romawia chuan Union Tourism secretary Arvind Singh pawh a kâwm a, Mizoramin tourism hmasawnna atana a rawtte Tourism Ministry leh ministry danga an thlente sawipuiin, Mizoram Tourism-in harsatna a tawhte a hrilh bawk.

Information and Communi­cation Technology minister Robert Romawia Royte hian information technology hmasawnna project-te Minority Affairs secretary Renuka Kumar pawh a sawipui a; tun hnaia sanction an pek avanga lawmthu hrilhin, project tharte pawh sanction leh thuai turin a ngen a ni.

Robert Romawia hi Lok Sabha MP C Lalrosanga'n a ṭawiawm.