Covid-19 vangin mi 484 thi tawh

Nimin zing khan Mizoramah Covid-19 vangin mi pahnih an thi. Nimin tlai dar 5 thlengin Mizoramah Covid-19 vangin mi 486 an thi tawh a, November thla bikah mi 54 an thi tawh.

Lalrammawii (72), Salem Veng, Aizawl chu nimin zing dar 2:20 khan Covid-19 vangin State Referral Hospital-ah a thi. Covid-19 vei a ni tih November 10, 2021 khan hmuh chhuah niin, SRH-ah enkawl nghal a ni a, natna dang nei tel a ni.

Rohmingthangi (81), Hortoki, Kolasib district pawh nimin chawhma dar 11:05 khan hripui vangin SRH-ah a thi a; Covid-19 positive a ni tih November 24, 2021 khan finfiah a ni a, SRH-ah dah luh nghal a nih thu sorkar thuchhuakin a tarlang.