MYC-in Cash Incentive Award sem

Mizoram Youth Co­mmi­ssion (MYC) chuan June 26, Thawhlehni zan khan Lal Thanhawla Audito­rium-ah zirlaite hnen­ah Cash Incentive Award an sem a, chief minis­ter Lal Thanhawla'n a hmanpui.

Award sem inkhawm hi MYC chairman Joseph Lalhimpuia'n a kaihruai a; Chief Minister chuan, "Sorkarin ṭhalaite tana khawvel thar siam a ngai pawimawh a, kawng hrang hrangah phak ang tâwka hmalak a ni. Zirna lama export-quality education siam tura hma lain, kumin HSLC leh HSSLC exam result chu kum dang zawng aiin a ṭhaa ni," a ti.

Khualzahawm, School Education minister H Rohluna chuan, ṭhalaite tan sorkarin nasa taka hma a la a, kum kal taah pawh eizawnna ṭha ṭhalaite'n an neih theih nan kawng hrang hranga hmalak a nih ṭhin thu a sawi.

Cash Incentive Award hi mi 65 hnenah hlan a ni a, a hlan zan bikah hian mi 55 hnenah hlan niin, district hrang hranga Youth Summit & Road Show buatsaihah mi 10 hnenah hlan a ni tawh. UPSC Main Examination paltlang leh UPSC exam kaltlanga NDA-a inziak tlingte hnenah Rs. 1,00,000 ṭheuh pek a ni a, a bak zawng hnenah Rs. 50,000 ṭheuha pek a ni.