KHAWTHLIR

Career guidance
RMSA, Lunglei district leh Zobawk Vengthar Branch YMA chuan nimin khan Zobawkah Career Guidance Programme an hmang a; high school leh higher secondary school zirlaite an tel. Zobawkah hian public school leh private school tiamin, HSS pa­khat, high school pahnih, middle school panga leh primary school pasarih a awm a ni.

House-ah pharh
Nimina Mizoram Legislative Assembly session-ah Finance minister Lalsawta chuan, 'The Mizoram Lotteries (Regulation) Amendment Rules, 2016 a pharh.

Congress an lawm
Congress party chuan thuchhuah siamin, kumin April thlaa Chakma Autonomous District Council (CADC) in­thlannaah returning officer N Chakhai-a'n Futuli biala MNF candidate Sumir Tongchangya-a'n Gauhati High Court-a petition a thehluh High Court-in a hnâwlsak chu lawmawm an tih thu an tarlang.

CM relief fund
Mi harsa zualte hnena ṭanpuina turin Mizoram Government Doctors Association (MGDA) chuan Chief Minister Relief Fund-ah Rs. 1,00,000 an chhûng lut.

VC result
Lai Autonomous District Council (LADC) hnuaia Village Council pathum - Ngenpuikai, Thingkah leh Damlui khuaa seat paruk atana by-election June 26-a neihah Congress-in seat 4 leh independent-in seat khat an la.

Zangnadawmna hlân
Lunglei District Legal Service Authority chuan, nimin khan Lunglei sub-headquarters YMA conference hall-ah Mizoram Victim of Crime Compensation Scheme 2011 hnuaiah mi dang kut tawrh vanga thi mi pahnih leh scooty-in a sut hlum mi pakhat chhungte hnenah zangnadawmna an hlan. Zangnadawmna atan hian cheng nuai 20 sem ral a ni.