Tlin leh thuneihna chan ringawt hi ZPM din chan a ni lo - Dr Kenneth-a

Ṭangrual pawl, Zoram Peoples' Movement (ZPM) chuan nimin khan Aizawla an pisaah office bearer's meeting an nei a; meeting kaihruaitu Dr Kenneth Chawngliana, ZPM Steering Committee vice chairman chuan, tlin leh thuneihna chan ringawt chu ZPM din chan a ni lo tih a sawi.

Dr Kenneth Chawngliana chuan, tun ang zela Mizoram a kal chuan a hnungtawlh zel dawn nia sawiin, "Kan sakhua leh khawtlang nun siamṭha turin politics hi hmanraw pawimawh a ni a, tlin leh thuneihna ringawt hi ZPM din chhan a ni lo a, kan ram siamṭhat hi kan tum ber tur a ni," a ti.

Mizoram leh Mizo hnam dinchhuahna tur te, hnam dang laka zahawma a awm ve theih nante ṭhahnemngai taka thawh a ngaih thu sawiin Kenneth Chawngliana chuan, "Kum 20/30 lo la kal tur ngaihtuah a ngai," a ti a; thuneihna leh lalna chauh ngaihtuah lo a, ṭhangthar zelte ngaihtuah a ṭul tak zet tawh thu a sawi.

Tuirial Hydel Project Hospital chungchangah Dr Kenneth Chawngliana chuan, "Hydel project man to tak, hmingṭhat duh vang chauha mipui phurrit tur ngaihtuah loa puitlin ta niin a lang," a ti a; Mizoram chhunga kawlphetha siam chhuah pawh man to taka lei a ngaih dawn tak thu a sawi. State Refferal Hospital chu dinhmun chhe tak aṭanga Congress Ministry-in a tungding leh thei chu fakawm a tih thu a sawi rualin, "MIMER aṭanga Mizo ṭhalai MBBS zir chhuak hna hmu zo lo an awm teuh ang tih a hlauhawm hle a ni," a ti bawk.