KHAWTHLIR

Mizoram sorkar chuan Mizoram Public Service Commission (MPSC) chairman atan Lalramthanga To­chhawng, IAAS (Rtd.) an ruat a, nimin khan order tih­chhuah a ni. Lalramthang­a hi Additional deputy comptroller & auditor general (ADCAG)-ah a kaisang a, Mizo zinga ADCAG hmasa ber a ni. Amah hi IAAS, 1986 batch a ni a, Mizoram sorkarah pawh secretary a ni tawh.

JNU thlawpin vawi-inah Vanapa Hall kawtah punkhawm 

Jawaharlal Nehru University (JNU) zirlaite misual hmai tuamte'n kut an thlak duh lohna leh demna lantir nan, JNU-a zir chhuak intél khawm, JNU Alumni, Mizoram chuan vawiin chhun dar 1:00 hian Vanapa Hall-ah punkhawm an buatsaih dawn. Lungawi lohna hi muanawm taka lantir an tum a, a duh apiang tel turin an sáwm a ni.

Serchhipa inkulh Assam Rifles chuan nimin khan Fit India Movement Campaign hnuaiah Champhaiah football friendly match an buatsaih a, Assam Rifles sipaite chu Champhai Veng-

thlang Football Club nen an inkhel. Hei hi sipai­te leh tualchhung mite inkara inṭhianṭhatna ṭha zawk a awm theih­na atana buatsaih a ni.

YMA, Mamit Hmarveng Branch chuan an din champha vawi 25-na (silver jubilee), Janua­ry 10, 2020-a thleng tur pualin nimin khan Mamit District Hospital-ah Poor Fund atan Rs. 3,000 an hlan a, an venga Joshua’s Children Home hnenah artui leh dâl an pek bakah, an veng chhunga mi harsate hnenah ṭanpuina pawisa an pe bawk.

Nimin khan Serchhip leh Khawzawlah kumina Republic Day hman dan tur DC hoin an rel. Serchhipah chuan Khawtetlang playground-ah zing dar 7-ah hman an rel a, parade contingents an awm ang. Khawzawlah chuan zing dar 7-ah Mualvawm field-ah lawm ni se an ti a, parade contingent - armed, unarmed leh sikul naupangte an awm dawn.