Mizoram DISHA-in lawmman dawng

Ministry of Rural Development huai­hawtin June 27, Nilai­ni khan Vigyan Bha­wan, New Delhi-ah District Development Coordination and Mo­nitoring Committee (DISHA) kum hnih tlin lawm nan India ram puma state hma la ṭha zual panga - Mizoram, Kerala, Chhattisgarh, Uttarakhand leh Jhar­khand-te hnenah lawm­man hlan a ni.

Lawmman dawng tur hian Mizoram aṭang­in Lok Sabha MP CL Ruala, Rural Devlopment secretary Lalhmingthanga leh under secretary Paul L Khuma an kal a; Union RD minister Narendra Singh Tomar leh minister of state for RD Ram Kripal Yadav hnen aṭangin lawmman an dawng.

State tiṭha zual teh­fung atana Ministry of Rural Development-in a hman chu - India ram state-te'n DISHA hnuaia district tinin meeting an neih ngun dan te, meeting minutes leh meeting neih lai thlalak DISHA website-a an upload ṭhat dan leh, meeting minutes/thuthlukna an bawhzui chak dante a ni.