Integrated AYUSH Hospital-in A thlawna inentirna a buatsaih

India hmarchhak biala AYUSH Hospital awmchhun, Thenzawla Integrated AYUSH Hospital chuan July 1-a kum hnih a pumhlûmna champha lo thleng tur pualin nimin khan an damdawi-ina inentir leh test chi hrang hrang an tih theihah a thlawnin mipui an tihsak.

Integrated AYUSH Hospital-ah blood group enna, HB test, blood sugar test, thinlian enfiah, sikserh endik leh typhoid test-te an ti thei a; chu'ngte chu nimin khan a thlawnin mipui an tihsak a, test an tihsak zawng zawng zat chu mi 158 an ni. AYUSH Hospital hi July 1, 2015-ah mipui tana inentir theihin kalpui ṭan a ni a, a champha hi kuminah Pathianni a nih avangin nimin khan a champha pualin hun an hmang a ni.

AYUSH Hospital-ah hian nimin thleng khan mi 14,951 an inentir tawh a, mi 86 chu damdawi-inah an admit tawh a ni.