Lawngtlai bank-te hnathawh thlirlet

Lawngtlai District Consultative Committee, District Level Review Committee leh District Level Security Committee chu nimin khan an chairman N Chakhai, district bawrhsap hoin DC Conference Hall-ah an ṭhu a; an district chhunga bank hrang hrangte hnathawh an thlirlet.

Meeting-ah hian, Lawngtlaiah ATM booth dah belh a ṭul thu te, sorkar laipui hmalakna hrang hrangte bank nen thlun zawm zel a nih tawh avangin bank leh internet service tihchangtlun a ṭul thute sawi lan a ni a; chuta tana hma la turin bank hrang hrangte an ngen.

Bank-te chuan khuahkhirh lutuk loin mipuiah a tam thei ang ber loan pe se meeting chuan a ti a; pawisa nawi (coin) thi tur anga sawi awm ṭhin chu thuthang dik lo a nih thu leh mipui leh dawrkaite pawhin an dawn hreh loh a ngaih thu tarlan a ni bawk.