Lirthei dah phalh lohnaa Dahte hremna puangzar

Traffic SP H Ram­thlengliana chuan thu­chhuah siamin, The Mi­zoram (Regulation and Control of Vehicles Parking) Rules, 2000 hnuaia Aizawl khawpuia lirthei dah/hûn phal lohna hmuna lirthei dah­te hremna a tarlang a, "Lirthei dah phal lohna hmuna dahtute chu Traffic police-te'n an man thei a, an hrem thei bawk," a ti.

Traffic SP tarlan danin, Rules 8(1) angin zing dar 6 aṭanga tlai dar 5 inkara lirthei dah phal lohna hmuna dahte chu Rs. 500 chawitir theih an ni a; zankhua emaw, darkar thum aia rei lirthei dah phal lohna hmuna dahte Rs. 1,000 chawitir theih an ni. Dan bawhchhia man tawhte chu an dan bawhchhiat ngaia man nawn an nih chuan pawisa a lêt zela chawitir theih an ni bawk.

Rules no. 10(1) angin, Rules 8(1) bawhchhiate'n an chawi tur ang an chawi duh lo a nih chuan an lir­hei chu police station-ah emaw, MV Act Section 117-in dahna tur hmun a tih­ah hrênsak tur a ni a, dah sawnna senso zawng zawng chu lirthei neitu tum tur a ni.