Remna Ni hmang dawn

Vawiin, June 30 hi MNF leh India sorkar ten inremna thuthlung, Memorandum of Settlement an ziah champha, Remna Ni a ni a; Mizoram hmun ṭhenkhatah hman a ni ang.

Remna Ni hi rualkhai zawka hman a nih theih nan MZP chuan ruahmanna an siam a, chawhma dar 11-ah Pachhunga University College Multicomplex Auditorium-ah Remna Ni pualin inkhawm an buatsaih dawn. He hunah hian Mizoramin remna leh muanna a neih theihna atana thawh hlawk bik nia an hriat mi pathum - chief minister Lal Thanhawla, MNF dintu leh president hlui Laldenga (L) leh inremna ziah laia Mizoram chief secre­tary Lalkhama-te hnenah chawi­mawina an hlan dawn a ni.

Mizoram peace accord an tih mai, Memorandum of Settlement hi June 30, 1986 zanah New Delhi-ah ziah a ni a; MNF aiawhin president Laldenga, India sorkar aiawhin Home secretary RD Pradhan leh Mizoram sorkar aiawhin chief secretary Lalkhama ten hming an ziak a ni.