ZMC-a thawkte tan zanriah buatsaih
Health minister Dr R Lalthangliana chuan Inrinni tlai khan State Referral Hospital/Zoram Medical College-a Covid-19 donaa thawktu doctor, nurse, technician leh thawktu dangte tan vawk talhin zanriah a buatsaih.
Dr R Lalthangliana chuan, SRH-ZMC-a thawkte chu, "Mutmu pawh tuah ṭha hman loin zan tam tlaivarin an hmanhlel a, heng an thawhrimnate hi a zahawm a, chawimawi tlak a ni," a ti a; an inpekna sang tak a hlutpuizia leh thawktute a thlàwpzia lantir nan an pualin zanriah a buatsaih tih a sawi.
Zanriah kîlhonaah hian Health Minister hi hna dang ṭul vangin a tel thei lo a; MLA pathum - H & FW Board vice chairman Dr ZR Thiamsanga, L Thangmawia leh H Lalzirliana te an tel.