Lunglei district-ah thubuai a pung

Nimin khan Lunglei SP conference hall-ah Lunglei district-a police officer-te'n Crime Review Meeting en nei a; nikum aiin kuminah thubuai ziah luh a tam zawk thu tarlan a ni.

Meeting-a tarlan danin, nikum 2017-a January-May chhung aiin kumin 2018-a January-May chhungin Lunglei district-ah thubuai ziah luh 30-in a tam zawk a; kuminah thih dan phung pangngai ni lo (unnatural death)-a thi mi 20 an awm tawh.

January-May, 2017 chhungin IPC leh special law leh local law hnuaia case register zawng zawng chu 94 a ni a, January-May, 2018 chhunga ziah luh chu 124 a ni thung.

Kumin January-May inkarah Lunglei district-a police-te'n heroin gram 438.6, ganja kg. 2.185, whiskey ûm 16 leh rum ûm 16 an man. MLPC Act bawhchhia, zu rui buaina siam, khawtlang/chhungkua tana hnawksak case siamsak zawng zawng chu 145 an ni a, hemi kaihhnawihah hian mi 212 man niin, thiam loh chantir (convict) vek an ni.