Statistics Day hman a ni

Nimin khan Mizo­ram hmun hrang hrangah Statistics Day hman a ni. Aizawlah chuan Economics & Statistics Directorate conference hall-ah hman a ni a, Planning minister Lalsawta'n a hmanpui.

Lalsawta chuan, ram fing leh changkang apiangin statistics hlutzia an hriat thu sawiin, "Mizoram pawhin statis­tics dik leh rintlak ṭang­kaizia a hre chho zel a, sorkar chauh ni lo, mimal leh pawl dangte pawhin ṭangkai takin an hmang a ni. Mizoramin eng nge kan tlakchham a, engahte nge phuhrûk kan ngaihna lai hriat nan te, eng chenah nge hma kan lo sawn tawh tih hriat nan te, hmalak dan tur ruahmana siam nante data belhchian dâwl neih a ṭangkai a ni," a ti.

Planning Minister hian lehkhabu pahnih, 'Statistical Abstract of Mizoram, 2017' leh 'Annual Report of Births & Deaths Mizoram, 2017' te a tlangzarh nghal a ni.

Statistics Day hi India ram pumah hman a ni a, thupui chu 'Quality assurance in official statistics' tih a ni.