IES officer-te'n CM Hawla an kâwm

Mizorama exposure tour neia chám mek, Indian Economic Ser­vice (IES) 15th. batch probationer mi 15-te chuan nimin khan chief minister Lal Thanhawla a pisaah an kâwm.

Chief Minister chuan, IES officer-te chu an training schedule-a Mizoram an tlawh tel chu lawmawm a tih thu a hrilh a; kum 20 chhung rambuaiin Mizoram chu kawng hrang hranga a nghawng dan te, mipui tan harsatna a thlen dante leh hmasawnna kawng pawh state dangte anga a zawh hma ve thei loh dante sawiin, "Chuti chung chuan tunah hian India state rálmuang berte zing kan ni," a ti.

IES 15th. batch-te hi Institute of Economic Growth-a training mek an ni a, Ningani khan Mizo­ram lo thlengin, sorkar hotu lute an kâwm a ni.