PWD Minister-in NH-54 min a tlawh

PWD minister Lal Thanzara chuan nimin zing khan Serchhip chhim lam kawtchhuah, Sailiam kâwn piaha NH-54 kawngpui min vanga kawngpui thar siam mek a enfiah.

Minister Lal Than­zara'n NH-54 kawngpui nasa taka min leh a chhak lama kawng thar siam mek a tlawhnaah hian, kawng siamna hmuna riah chilha hna viltu PWD executive engineer C Lalthlamuani leh PWD SDO H Lalnunmawia ten an lo dawngsawng a; hna thawh mek dan leh har­satna an neihte an lo hrilh.

Kawng minna laia kawng thar laih leh hi lirthei kal theihin laih tlang a ni tawh a, mahse, ruah a sûr chuan kaltlang theih loh khawpin a diak nâl leh ṭhin avangin excavator leh JCB hmangin lirthei tángte puih ṭhin a ni.