Bru lak lette dahna tur enfiah

West Phaileng SDO (Civil) Dr Andrew Lalrem­ruata leh sorkar hotu dangte chuan, kar kal ta chhung khan Tripura aṭanga Mizoram Bru lâk lette West Phaileng SDO (C) huam chhunga dahna tur khaw hrang hrangte an enfiah.

Tripura relief camp aṭanga Bru lak let tur zingah West Phaileng SDO(C) huam chhunga dah tur chhungkaw eng emaw zat an awm a; West Phaileng, Chhippui, Saithah, Lallen, West Phulpui, Pukzing Vengthar, Damparengpui, Khawhnai leh Tuirum khuaahte dah tura rua­hman niin, chu'ng khuate chu kar kal ta khan West Phaileng SDO(C) leh Land Revenue & Settlement leh Forest department aiawhte'n an enfiah a ni.

Thu dawn danin, Bru lak lette dahna tura ruahman pakhat, Hruai­tluang khua (Teirei Forest)-ah chhungkaw 42 dah tur a tih a ni a, mahse, Hruaitluang khua­ah ram âwl a awm loh avangin, Hruaitluang khuaa dah turte chu Damparengpui khuaah dah turin ruahmanna siam leh a ni. Hruaitluang khua hi Dampa Tiger Reserved leh Chhippui khaw ramri hrúla awm a nih avangin a hranpain ram an nei lo niin an sawi. Bru hruai kîr hna hi August 16, 2018 ṭan tum a ni a, West Phaileng SDO(C) bial chhungah hian khaw 12-ah chhungkua 1,062 dah tur a ruahman a ni.