Azadi Ka Amrit Mahotsav Walkathon

Azadi Ka Amrit Mahotsav pualin Aizawl DC Office leh Women & Child Development department chuan nimin zing khan naupang leh hmeichhiate tana kea inkalsiak, Walkathon an buatsaih a, Aizawl bawrhsap Dr Lalhriatzuali Ralte-in Vanapa Hall kawt aṭangin a vailiam.

Walkathon-ah hian mi 250 vel an tel a, Lalrinfeli (kum 5) chu a naupang ber a, upa ber chu Zohmangaihi, kum 59 a ni. Inelna hi hlawm pahnih - kum 12 hnuai lam leh kum 13 chung lamte siam a ni a; kum 12 hnuai lamte chu Vanapa Hall aṭangin Zarkawt traffic point lamah an kal kual a, kum 13 chung lamte chu Vanapa Hall aṭangin Chanmari kawn thleng an kal kual thung.

Kum 12 hnuai lamah Grace Lalhmangaihi, New Capital Complex chu pakhatna a ni a, kum 13 chung lamah Lalnunmawii Fanai, Upper Khatla chu pakhatna a ni.