National Pharmacy Week hman a ni

Mizoram Pharmacists' Association chuan nimin khan Synod Conference Centre-ah National Pharmacy Week vawi 60-na na hmang a, Hospital & Medical Education director Dr T Lalhmangaihi'n a hmanpui.

Dr T Lalhmangaihi chuan pharmacist-te pawimawh thu sawiin, state pawn leh rampawnah hna thawh hreh lo turin a chah a,"Mizoram chhungah ramhmul damdawi hmuh chhuah leh tihchangtlunna kawngah hmasawnna tur ala tam a, hemi kawngah hian pharmacist-te in ṭangkai dawn hle," a ti a, mipui hnena damdawi chungchang zirtirna kawngah thuziak leh thildangah te hma la nasa zual turin a chah bawk.

He hunah hian Dr Lalhmangaihsanga Renthlei-in National Pharmacy Week thupui - 'Pharmacist : An integral Part of Healthcare' a sawifiaha a; tun hnaia Mizo zinga pharmacy course hrang hrang pass tharte leh tiṭha ber hnenah 'SL Sailo Pharmacy Award' an hlan nghal a ni.