TiLi Titi buatsaih a ni

TiLi chuan nimin khan TiLi Center, Mission Vengah TiLi Titi an buatsaih a, Mizoram Youth Commission (MYC) chairman Dr Vanlalṭanpuia, MLA-in a hmanpui.

TiLi TiTi hi an chairman LTL Fela'n a kaihruai a; Dr Vanlalṭanpuia chuan thupui, 'Youth Policy in Mizoram' tih a sawi hawng a; Aizawl mayor Lalrinenga Sailo-in 'Huaisenna hian hlawhtlinna a keng tel' thu a sawi.

Chawhnuah chief information commissioner Lalnunmawia Chuaungo-in 'UPSC leh Mizote' tih a sawi a, "India sorkarin dinhmun pawimawh chelh tura a thlan ṭhinte hi UPSC kaltlang zel a nih avangin UPSC exam atana inbuatsaihna hi ngawrh lehzual a kan beih a ngai a, high school aṭanga kan beih a ngai a ni," a ti. Elvina Lalmuanpuii Leivon, IAAS-in thu a sawi bawk.