Covid-19 symptom neite Sample endik vat turin chah

Covid-19 thupuangtu Dr Pachuau Lalmalsawma chuan nimin khan thuchhuah siamin, Covid-19 symptom neite chu a rang thei ang bera an swab sample endiktir turin a chah.

Dr Pachuau Lalmal-sawma chuan, Covid virus kai si, sample endik mai lohin nghawng ṭha lo tak a nei thei tih tarlangin, "Nunna hlu tak kan chàn zel lohna turin symptom neite ngaihven leh ngaihsak hi kan mawhphurhnaah kan ngaih leh a ṭul. Kan chhungte leh hnaivaite'n symptom an neih chuan a rang thei ang berin LTF/VTF hriattirin Aizawl hmun hrang hranga man chawia test theihna kiosk-ah rang takin test tur a ni," a ti.

Covid-19 thupuangtu tarlan danin, tun hnaiah Mizoram hmun hrang hrangah hostel leh home bakah, pun khawmnaah Covid-19 an inkai darh nasa a ni.