Mizoramah Covid-19 vangin mi an 488 thi tawh

Nimin chhun lam khan Mizoramah Covid-19 vangin mi pakhat a thi a, November 25, Ningania thi tarlan belh pakhat a awm bawk. Nimin tlai dar 5 thlengin Mizoramah Covid-19 vangin mi 488 an thi tawh a, November thla bikah mi 56 an thi tawh.

November 25, Ningani khan Lalhriatpuii (21), Champhai Zotlang chu State Refferal Hospital-ah a thi a; Covid-19 vei a ni tih October 10 khan hmuh chhuah niin, October 19 aṭangin SRH-ah enkawl ṭan a ni.

Nimin chawhma dar 10:30 khan Lalremruatpuia (17), Khawzawl Electric Veng chu Khawzawl CCC-ah a thi a; hripui vei a ni tih November 24, 2021 khan finfiah niin, November 25-ah CCC dah luh a ni tih sorkar thuchhuakin a tarlang. Mitthi pahnihte hi natna dang nei tel ve ve an ni.