Health Sunday & Hospital Sunday

Presbyterian Kohhran chuan nimin Pathianni khan Health Sunday leh Hospital Sunday an hmang.

Chawhnu in­khawmah Health Sunday hmangin, thupui chu 'Zu leh a kaihhnawih' tih a ni a; zan inkhawmah Hospital Sunday hmangin, thupui chu 'Nat tinrenga náte tidamtu Isua' tih a ni.

Presbyterian Kohhran hian kum 1928-ah Hos­pital Sunday an hmang ṭan a, kum 1981 aṭangin July Pathianni hmasa berah an hmang ṭhin. Kum 1988 aṭanga January Pathianni hnuhnung bera Leprosy Sunday an hman ṭhin chu phâr chauh ni loin, natna dangte pawh huam turin Health Sunday tiin a thlâk a, kum 2006 aṭangin an hmang ṭan. Kum 2010 aṭangin Health Sunday leh Hospital Sunday chu July thla Pathianni hmasa berah an hmang kawp leh a ni.

Mizoram Synod me­dia department, Syn­fo tarlan danin, tun din­hmunah Synod Hospi­tal, Durtlangah khum 355 a awm a; doctor 40, nursing staff 215, nursing tutor 12, para medical staff 28 leh general staff 126 awmin, an vaiin thawktu mi 422 an awm a ni.