IES officer-te'n Governor an kâwm

Indian Economic Service (IES) officer trainee mi 15-te chuan June 29, Zirtawpni tlai khan Raj Bhavan-ah Governor Kummanam Rajeskharan an hmu a, Mizoram kaihhnawih thil chi hrang hrang an sawipui.

Governor chuan, IES trainee-te chu mi rethei leh harsate'n lei rem an rah theih nan leh dinhmun ṭha zawka an awm theih nan theihtawp chhuaha thawk turin a chah a, "Sorkar inrelbawlna leh hmasawnnain a khawih phak loh mi harsate dinchhuah dan tur ngaihtuah a, an khawsak dinhmun chawikan ruala an thiamnate chhawr ṭangkai thiam a pawimawh," a ti.

IES trainee-te chuan, Mizoram khawtlang inrêlbàwl dan te, hmeichhia leh mipa intluktlannate leh Mizoram Gross State Domestic Product (GSDP) ṭha takte chu ngaihsan tlak a nih thu an sawi.