Hnam sipai hluite hamṭhatna pek tum
PRISM party chuan thuchhuah siamin, sorkarna an siam hunah Mizoramin zalenna a sual leh remna a neih pualin monument siam an tum thu an tarlang a, "Hnam sipai hlui zinga in nei lote in saksakin, eizawnna nei lote eizawnna kan siamsak dawn a, ram chhiah (land revenue) leh property tax kan âwltir ang," an ti.
PRISM hian June 30 khan an pisaah Remna Ni an hmang a; Mizoramin dinhmun sang zawk a neih theih nan leh remna leh muanna a neih theih nana hma latute zahna an hlan a, ram leh hnam tana inpe zual turin an inhlan thar tih an tarlang a, "Remna Ni hi kan hnam chanchina ni pawimawh berte zinga mi-ah ngaiin PRISM chuan kan danah kum tina hman ṭhin turin kan dah a ni," an ti.