Dan kalhin NLUP an sem - PRISM

PRISM party chuan thuchhuah siamin, MLA ni lote an tlakna biala NLUP dawng tur thlantir an ni chu dan kalh a nih thu leh man theih an nih thu an tarlang.

PRISM chuan, "MLA pawh ni lo, engmah ni lo, kum 2013 inthlana an candidate tling zo lo, H Liansailova, Dr Lalmalsawma, S Hiato leh Tlangthanmawii te, an tlin lohna bial ṭheuha NLUP dawngtu tur thlang tura an ruat hi engti kawng mahin a dik thei lo a, dan kalh hulhual a ni," an ti.

PRISM party chuan, an sorkar hunah chuan party tih bik neih leh in vulhna ang a awm ve dawn lo a, eng party mi leh sa pawh ni se, Mizoram leh hnam ṭhatna duh apiang chu ram siamṭha tura an thawhpui tur thu an tarlang bawk.