Sorkarin vaimim leh bê chîn nan Cheng nuai 373.64 Agri-ah a dah

Agriculture (Crop Husbandry) department-a thawkte chuan an director Rohmingthanga Colney kaihhruaiin nimin khan Agriculture committee room-ah SEDP sum hmanga 2020 chhunga hmalak dan tur an sawiho. He hunah hian vaimim leh bé chîn nan sorkarin Agriculture department-ah cheng nuai 373.64 a dah thu tarlan a ni.

Ṭhutkhawma tarlan danin, Mizoram sorkar chuan Agriculture department hnenah vaimim chîn nan cheng nuai 160.90 leh bê lam chi (pulses) chîn nan cheng nuai 212.74 a dah a, a vaiin cheng nuai 373.64 a dah a ni. Sum hmuhte chu ṭang­kai leh awmze nei taka hman a nih theihna turin ruahmanna an siam a, loneitute'n vaimim leh bêa intodelhna khawp an thar theihna tur te, Mizoramin ran chaw a mamawh angte a thar chhuah nana hman a nih theihna tur te, man man zawk leh rate hre saa suma chantir dan turte an ruahman a ni.

Ṭhutkhawmnaah hian district tin aṭangin District Agriculture Officer leh anmahni puitu officer-te bakah, directorate-a officer-te an tel.