Citizenship (Amendment) Bill, 2016 Bawhzuiin MLA-te Delhi-ah tír dawn

Sorkar laipuiin Citizenship (Amendment) Bill, 2016 pass a tum duh lohna resolution Mizoram Assembly-in June 28, 2018-a a pawm tak chu bawhzui thuai tum a ni a, bawhzui turin MLA ṭhenkhatte New Delhi-ah tirh tum a ni.

Assembly session-a Citizenship (Amendment) Bill, 2016 duh lohna resolution sawihonaah Home minister R Lalzirliana chuan, resolution bawhzui turin party hrang hrang aṭangin MLA-te thlan chhuah a, House Leader emaw, Speaker emaw hoin New Delhi-ah tirh tum an nih thu a lo sawi tawh a; chumi ang chuan Mizoram Assembly aiawhte chu New Delhi-ah tirh thuai tum a ni.