Right to Public Services Act sawiho

Nimin khan Administrative Training Institute (ATI)-ah ‘Strengthening of service delivery under the Mizoram Right to Public Services Act, 2015’ chungchang sawi­ho a ni a, ATI director Lal­zar­mawii'n a kaihruai.

Lalzarmawii chuan, Mizoram Right to Public Services Act, 2015 chu sorkar hnathawh ṭhenkhat, hunbi nei mipuite'n an mamawh anga an dil chhuah ngei theihna a nih thu sawiin, "Mipui tana hamṭhatna leh awlsamna tam tak a keng tel a ni," a ti.

Meeting-ah hian ATI hotu te, IPR director leh DPAR (GGC) hotute an tel a; service delivery ṭha zawk kalpui a nih theih nan DPAR leh Information and Communication Technology department ten inremna thuthlung, memorandum of understanding an buatsaih thlir­ho a ni. Mizoram Right to Public Services Act, 2015 atana online training module buatsaih dan tur te, Information, Education and Communication (IEC) campaign kalpui dan tur te, Mizoram khaw hrang hranga inhrilh­hriatna hun han dan turte an sawiho bawk.

Mizoram Right to Public Services Act, 2015 hnuaiah hian sorkar department hrang hrang - Food, Civil Supplies & Consumer Affairs, Rural Development, Taxation, Public Health Engineering, Social Welfare leh Finance department-te an awm a ni.