Mizo pa lâr L Keivom a thi

Mizo pa lâr, thuziak lama sulhnu nei ṭha tak L Keivom (Lalthlamuong Keivom), kum 82 chu nimin zing dar 5:46 khan Max Super Speciality Hospital, Delhi-ah pneumonia leh cancer (rílpui, thin, chuap leh pumpui) vangin a thi.

Pherzawl, Manipur-a July 15, 1939-a piang L Kelvom hi thiamna lama MA (History) a ni a, kum 1967-a Indian Customs and Central Excise Service-a a inziah tlin hnuah kum 1970-ah Indian Foreign Service (IFS)-ah a tling. IFS anga hna a thawh chhungin Kenya, Saudi Arabia, New Zealand, Burma, ltaly leh Maldives-ahte a thawk a, a pension hnuah Delhi-ah an inbéngbel a ni.

L Keivom hi thu ziak mi a ni a, a lehkhabu zingah 'Zoram Khawvel' chu a lar berte zinga mi niin, bu riat a tichhuak a, Zoram Khawvel-1 chu Mizo Academy of Letters-in Book of the Year-ah a thlang. Hmar ṭawngin Bible pumpui a letling bawk.