Dy.CM-in AMC inhlan tharna a hmanpui

Aizawl Municipal Corporation (AMC)-a thawktute chuan nimin khan kum 2020 atan inhlan tharna hun, AMC Auditorium-ah an hmang a, deputy chief minister Tawnluia'n hmanpuiin, fuihna thuchah a sawi.

Tawnluia chuan, AMC chu chak zawka a kal theih nan Mayor leh Deputy Mayor-te tha leh dinhmun tichak turin sorkarin 'Mizoram Municipalities Amendment Act, 2019' a siam thu a sawi a, "Executive Council pawh rei lo têah din a ni ang a, hna an thawk thei thuai ang," a ti; AMC-a thawktu indaih lohna phuhrûk nan post siam belh a nih thu leh recruitment rules felfai tak sorkarin a duan tawh thu a sawi.

Deputy CM chuan, AMC hnathawhnaah department dang leh mipui­te nen thawhhona ṭha a awm zel a duh thu sawiin, "Office dawrtute chu dawhtheihna leh ṭanpui duhna rilru púa dawnsawn vek tur a ni," a ti.