Muthi MHIP-in din champha an lawm

Muthi Branch MHIP chuan nimin an kum 40-na, ruby jubilee chu an khaw community hall-ah an lawm a, Vanglaini editor K Sapdanga'n hmanpuiin, jubilee lungphun a hawng.

Jubilee lawm inkhawm hi Muthi MHIP president Lalparmawii'n a kai­hruai a; K Sapdanga chuan, pawl ang leh mimal anga mi dangte ṭanpui theitu nih chu Pathian malsawmna ropui tak a nih thu sawiin, "Hlawhtlinna tluantling nei turin taimakna, rinawmna leh Pathian thu awih a ngai," a ti a, MHIP member-te chu mi dangte pui theitu nih tum zel turin a chah.

Inkhawmah hian Muthi MHIP dintu leh president hmasa ber Rimawii (87) leh hruaitu hlui dangte thil pek hlan an ni.