Paragliding Accuracy World Cup

February 13-16, 2020 chhung ­khian Mizoramin Serchhipa a thlen tur Paragliding Accuracy World Cup, 2020 inbuatsaihna atan Organising Committee chu nimin khan co-chairman Esther Lalruatkimi, Tourism secretary hoin a pisaah an ṭhukhawm.

Paragliding Accuracy World Cup, 2020-ah hian ram hrang hrang 30 aṭang­in mi 120 vel tel thei tura beisei a ni a, ram 13 aṭangin mi 60 an inziak lut tawh. Anni bakah hian official eng emaw zat kal tura beisei a ni a, national level leh international level aṭangin a hmunhma thlithlai turin technical team pahnih an lo kal dawn a ni.

Nimina ṭhutkhawmah hian mawhphurtu hrang hrangte hmalak tawh dan ngaihthlak a nih bakah, an hmachhawpte sawiho a ni a; sum leh pai mamawh tur te, sum hmuh tur beisei zatte leh a hmanna tur tlangpui duan a ni.