Covid-19 vangin mi 493 thi tawh

Nimin khan tlai dar 5 thlengin Covid-19 vangin mi pakhat a thi a, November 28, Pathianni zan khan thi mi pakhat a awm belh bawk. IDSP, Mizoram tarlan danin, nimin tlai dar 5 thlengin Mizoramah Covid-19 vangin mi 493 an thi tawh a, tun November thla bikah mi 61 an thi tawh.

November 28, Pathianni zan dar 7:20 khan Kaphmingthanga (83), Lungdai, Kolasib district chu Covid-19 vangin State Referral Hospital-ah a thi. Covid-19 vei a ni tih November 24, 2021 khan hmuh chhuah niin, November 25 aṭangin SRH-ah enkawl a ni a, natna dang nei tel a nih thu sorkar thuchhuakin a tarlang.

Lungdai khaw mi vêk Sapzingi (79) pawh nimin chhun dar 12:50 khan hripui vangin SRH-ZMC-ah a thi a; Covid-19 positive a ni tih November 17, 2021 khan hmuh chhuah niin, November 21-ah SRH-ah dah luh a ni a,